Me produserer ytterdører og balkongdører etter spesifikasjonar og ønskjer frå kunde. Send oss ytre karmmål og info, og gjerne ei skisse av slik du ønskjer døra med glasfelt, fylllingar, etc. – så teiknar me opp og sender tilbod.
Lengst ned på denne sida kan du sjå bilete av ein del dører me har levert. Kanskje du finn noko du likar?
For å fastslå slagretning på ytter- og balkongdører kan du stille deg på den sida av døra der hengslene er synlege når døra er lukka, så ser du kva side hengslene er på. I våre tilbod er alltid dører avbilda frå hengsleside. I Noreg er det mest vanleg med utadslåande dører.
Her er døme på ei 2-fløya, utadslåande dør med dobbel slaglist. Høgre dørblad = gangdør, høgrehengsla. Venstre dørblad = venstrehengsla (festa med skåter).
Alle våre dører kan som utgangspunkt opnast 180 grader, men merk at dette er avhengig av korleis døra blir montert i veggen. Om du vel balkongdør med vindbrems, er opningsvinkel avgrensa til 90 grader.
Me produserer ytterdører og balkongdører med fyllingar (speglar) som blir montert med kittfals, slik som vindua våre. Fyllingane er laga med vannfast MDF innvendig, og Tricoya utvendig. Karm og ramme er i fingerskjøtt malmfuru. Andre tresortar kan leverast på førespurnad.
På bildet er oppe frå venstre:
Ytterdører blir levert utan vridar.
Til utadslåande balkongdør kan me levere ei rekke alternative vridarar. Om ikkje anna er spesifisert blir balkongdør levert med vår standard vridar, med blendeskilt utvendig og knappvridar innvendig.
Til innadslåande balkongdører er det dessverre ikkje valmoglegheiter, då kan me kun levere standard vridar.
Du kan sjå større bilete av vridarane ved å bla gjennom galleriet under.
Om ein ønskjer det kan me levere utadslåande balkongdør med vindbrems. Det vil seie at ein kan låse døra i ønskt lufteposisjon ved å vri ned vridaren. Merk at med vindbrems kan ein berre opne døra 90 grader. Ein bør altså vurdere om det er dumt at døra tar plass på uteområde når den står open.
