Vindu

Dette er den vindustypen me sel desidert mest av. Me utvikla vinduet i 2008, for å kunne levere eit vindu med moderne funksjonalitet og tradisjonell, klassisk utsjånad. Når ein vel vindu med kittfals vil det seie at glasa er festa til rammene med kittfuge i staden for glaslist – slik det også blei gjort «i gamle dagar».

Kvifor skal du velje iSOKiTT®?

• Klassisk, tradisjonell utsjånad med kittfals og smale sprosser.
• Funksjonalitet som oppfyller dagens krav til moderne vindu.
• Enklare reinhald og vedlikehald enn kobla vindu.
• Kan leverast i ei rekke ulike variantar, og ein kan velje kva antikvariske tilval ein eventuelt ønskjer.
• Oppfyller Byantikvaren si momentliste for gode vinduskopiar, og kan nyttast i dei fleste tilfeller der antikvar eller andre sett krav om antikvariske vindu.

Nokre gonger er det behov for innadslåande vindu, til dømes på gatenivå i bygardar. Me produserer også desse med kittfals og detaljar tilpassa anvikvarisk utforming.

Kvifor skal du velje iSOKiTT®?

• Klassisk, tradisjonell utsjånad med kittfals og smale sprosser.
• Funksjonalitet som oppfyller dagens krav til moderne vindu.
• Enklare reinhald og vedlikehald enn kobla vindu.

Dette er vindu med lange og gode tradisjonar i Noreg. Her får du «ekte sprossevindu» med gjennomgåande sprosser i det ytterste glaset/ ramma, og isolerglas med heil glasflate innvendig i indre ramme. Dei to vindusrammene er festa med hengsler så ein kan opne for reinhald og vedlikehald mellom rammene.

Kvifor skal du velje kobla vindu?

• Klassisk, tradisjonell utsjånad.
• Funksjonalitet som oppfyller dagens krav til moderne vindu.
• Kan leverast i ei rekke ulike variantar.
• I ein del tilfelle krev antikvar eller andre at gamle vindu må erstattast med kobla vindu.

Me produserer 2 typar fastkarm:

• iSOKiTT® med kittfals utvendig og uprofilerte glasslister innvendig.
• Isoler med glasslister utvendig og profilert karm innvendig.

Om ein ønskjer å ta vare på originale vindu og samstundes redusere varmetap, så er innvendige varevindu ei god løysing. Slike innervindu kan og bidra til å redusere støy.

Varevindu blir montert innvendig mot karm eller foring, og kan leverast med enkelt glas eller 2-lags isolerglas.

Dette kan altså vere eit godt enøk-tiltak kor ein reduserer varmetap, men likevel kan behalde originale vindu og arkitektonisk uttrykk på gamle hus.

Dette vinduet er utvikla med tanke på meir moderne bygg. Her er utvendig side fri for forstyrrande element som glaslister og aluminiumslister. Glasa er festa med ei smal fuge, og ein får meir lysinnslepp. Innvendig har vindua den same avrunda profilen som iSOKiTT®.

Kvifor skal du velje Energi Design?

• «Strammare» og reinare utsjånad.
• Større lysinnslepp.
• Funksjonalitet som oppfyller dagens krav til moderne vindu.
• Kan leverast i ei rekke ulike variantar, og både som utadslåande og innadslåande.

Dette er ein type vindu som er meir «standard», der glaset altså blir festa med glaslist i staden for kittfals.

Fabrikken vår er bygd opp for skreddarsaum. Me kan levere ei rekke ulike spesialvindu som til dømes bua, 6-kanta, kurva og anna. Me kan frese ut spesialsprosser, og kopiere gamle profilar. Om du treng ekstra store vindu, ukurante former eller ønskjer andre materialar som til dømes eik eller accoya, så har me løysingane.

Her er eit vindu kor både glas, ramme og karm er kurva.